أكثر الأسئلة الشائعة


حد عنده حل للأرق ؟

Gatach
اشرب كوب نعناع حيساعدك .ولا تنسى الاكثار من الاستغفار
MrFoucs
هي مش حل للأرق بس حل لحاجة تانية :) -_-
Noha Ali
ريكسونا حلو جدا للارق

ليه الناس بقت بتكره بعض من غير ماتعمل حساب للعيش والملح واحلا الايام

Mahmoud Zakaria
أو ممكن بقينا نبث للي ف إيد غيرنا و بننسي نحمد ربنا علي الي معانا
Mahmoud Zakaria
علشان مصلحتنا بقت رقم واحد وبعدنا عن الدين الي بيقول ان ايثار اخيك علي نفسك يدخلك الجنه
MrFoucs
ممكن يستا كل شيئ جايز

ليه المواد معظمها مبيبقاش ليها لازمه و ملهاش علاقه بالقسم اللي بندرسه

Dawle
عشان احنا في مصر
RODY
عشان انت ف مصر

انا دلوقتي مخطوبه وانا وخطيبب واخدين بعض عن حب وبصراحه اتحمات كتير عشان اخده وهو كمان بس من بعد ما اتخطبنا وهو يوم حلو معايا و10لا بمعني انه يكون كويس شويه وشويات عصبي ويزعقلي يهيني بشتيمه ويدعي عليا علي اتفه الاسباب وعنده شك ف كل حاجه اني بكدب عليه هو دلوقتي مسافر بره مصر وكان قبل ما يسافر عصبي عليا واما اجي اعاتبه يقولي مخنوق عشان السفر واما سافر يقولي انا متغرب ومعاملته بقت اسوا بمراحل ومبيكلمنيش بقاله اسبوعين او اكتر ورمضان دخل ولا حتي كلمني يقولي كل سنه وانتي طيبه حتي وانا مخنوقه جدا انا مش مبسوطه معاه مش عارفه اعمل ايه

Dawle
الغربه وحشه هوني عليه كلميه واسالي عليه وحاول تشيله عنه الغربه وحشه اوووي كلميه هو مالهوش غيرك قربي منه
Monaahmed
بصي اولا الانسان اللي ميحترمكيش دلوقتي يبقي عمره ما هيحترمك و ده انسان مشافش ريحه التربيه و انتي كرامتك فوق اي حاجه انهي كل حاجه بالذوق عشان و الله انتي اللي هتتعبي بعدين و صلي استخاره كده و اهدي و انشالله كل حاجه هتبقي كويسه و اللي ربنا كاتبهولك مفيش احسن منه
Tota khaled
سبيهه كرامتكك فووق ااي شيءء ي حببتي واللهه هو بيتلكك اصلااا دا رأيي او عاتبيه قوليلو كل حاجهه وقوليلو نبتدي صفحه جديهه مثلااا وندي لبعض فرصه اخيرهه

نفسي انجح السنادي لان كنت سقط سنه قبل

RODY
اكتب دايما وانت بتذاكر
Tota
ابعد عن السوشيال والفون واقعد ع كتب وذاكر
Eng.Hassan
يبقي تركز وتحل علي اللي بتذاكره

بصوو ي جماعه انا معنديش مشكله ولا حاجه بس قولت ارخم عليكو شويه واشوف الناس عاملين اي هناا وربنا م يجيب مشاكل.

مصطفى نأاصر
لا ياستي كل سنه وانتي طيبه من غير رخاامه
MrFoucs
إحنا تمام الحمد لله تعالي إشربي شاي هههههههههههههههههههه
Noha Ali
امشي ي بت من هنا بقي نتي مالك ي توتا نا برحب بالناس

مبفكرش ف حبيبي وسياه بقالي فترهه وحلمت بيه حلم وحش حد يعرف الحل

Dawle
صلي وقربي من ربنا هو الحل لكل حاجه
Tota khaled
حااضرر شكراا لي ارأكوو
Tota
نفضي السرير تلت مرات واتشاهدي واشربي بق مايه قبل ماتنامي

انا في ٢ ث و داخله علي ٣ ث و ضعيفه في الكيميا انا بحبها بس مفيش مدرسين بيشرحو الحاجات الاساسيه اللي لازم نكون فهمنها و فاهمين يعني ايه كيميا انا خايفه اوي من المشكله دي و خايفه تاثر عليا في تالته اعمل ايه لو سمحت؟!!

Dawle
ابحثي في اليوتيوب هتلاقي حاجات هتفيدك انا داخل 3ث كمان خير باذن الله
Mahmoud Zakaria
في أكادمية علي الانترنت اسمها نفهم حاولي تتابعي معاهم وان شاء الله هتستفيدي جدا
Tota khaled
تابعي حد اون لاين ع اليوتيوب

=هل الحياه دائما بهذه الصعوبه ام فقط عندما تكون طفل ؟

Dawle
انا وانا صغير كان اصعب حاجه اني اعمل الواجب كانت مهمه صعبه ولم كبرت عرفت انها أسهل حاجه انت لم تكبر هنقول انا كانت احسن أيامي ايام الشباب يعني عيش لحظه بلحظه عشان تبقا ذكرا حلوه أيامنا جميله بس احنا اللي بنوحشه عشان بنبص من جانب واحد
Olaa
حكمه عجباني اوي اوي ان الحياه بتخضع المجتهدين قدم السبت مجهود تلاقي الحد راحه
Dodo
عامة الحياة في الطفولة سهلة جدا و كب ما بنكبر الحياة بتصعب بس ممكن تسهلها علي نفسك بحسن التدبير و التفكير و انك تاخد قرارات صح في اوقاتها الصح

من كتر الاكتئاب باخد منوم و مبعرفش افرح زى الاول و دى حاجه مكرهانى فى كل حاجه

Olaa
بصي حضرتك بتتكلمي مع واحده بقالها 3سنين علي المنوم والمهدي لغيت لما في يوم كنت عايزه انتحر واخدت شريط مهدء وبعدها قررت اني ماخترش اسهل حل اني اهرب من الواقع قررت حجات كتيره جدا في صالحي
Dodo
المنوم اصلا غلط علي جسم الانسان.. و بالنسبة للاكتئاب علاجه دايما الهروب من البيئة المحيطة لفترة معينة و تغيير الوجوه و الاشخاص اللي حواليك و الدخول في تجارب جديدة
Ayaabdulaty
الأيام المتكرره ال هو الروتين اليوم والفيس ال فاتحينه ديما ع كام مشكله تافه في حياتنا كفيله اننا نكتئب مشكله الاكتئاب نفسه انه مش ديما سببه مشاكل عظيمه لا دا ع الأغلب مش بنلاقيله سبب غير الروتين وفقدان الشغف ال بيسببه ع كدا لازم تغيري ساعه ف كل يوم ساعه بس تعملي فيها حاجه جديده وبتحبيها وكل يوم ضيفي ساعه بحاجه جديده تانيه ف اليوم التاني هتلاحظي الفرق ابعدي عن العزله حتي لو مش بتعملي حاجه ابعدي عن العزله اقعدي مع اهلك واصحابك وهكذا

الحمدلله انطلق الموقع وبدأ يؤدى دوره فى مساعدة وخدمة الناس وان شاء الله بينا وبيكم يكون منصة تواصل للعالم العربى لمشاركة افكارهم واستفسارتهم ومشكلاتهم والمساعدة فى كل شئ الفترة الجاية هيبقى فى تطورات كتيرة فى الموقع تسهل عليكم الاستخدام علىكم وهيتم توثيق بعض الحسابات اللى هتكون معلوماتها صحيحة وهتكون متواجدة باستمرار بتساعد الناس على سبيل المثال هينضم لتواصل دكاترة تنمية ونفسيين ومهندسين فى مختلف المجالات ومدرسين فى كافة المواد والمراحل ....إلخ ..كلهم هينضمو بهدف المساعدة هيتم توثيق حسباتهم الخطوة المقبلة وهيتم حاجات تانى اكتر لصالحكم

Gameela Ragheb
الله حاجة جميلة والله
Hassan Adel
يارب القائمين ع الموقع يستمروا عليه لان الفكرة هايلة و جديدة بصراحة
Dr Adel shakl
حاجة جميلة و فكرة رائعة و يارب تستمر

هو جواز الصالونات وحش فعلا

Olaa
انا رايي انه لا الي عايز يتجوز وهي صونك ويحترمه ويخاف عليكي بيدخل البيت من بابه عايز الدنيا كله تعرف ابوكي وجيرانك مش هيحطك في موقف يحرجك ولا تكلميه من ورا اهلك ولا تقابليه من وراهم كله في النور
Hossam mahmoud
للاسف و بيبقي سبب كبير في زيادة نسبة الطلاق في مجتمعنا
Dodo
بنسبة كبيرة اه

طب بصو انا عندي 15 سنه.... من 3 سنين تقريباً اخويا الكبير كان بيحاول يعتدي عليا اه والله اخويا تخيلو؟ كنت مثلا فمره بغير هدومي لقيته فتح الباب فجأه كدا وقالي شكلك حلو اوي وانتي من غير هدوم قولت يمكن بيهزر وسكت بعدها بفتره وانا نايمه لقيته بيحاول يعريني ويلمس أجزاء معينه من جسمي صحيت مخضوضه طبعا وشتمته وقلتله يبعد عني وللأسف خوفي يومها منعني اني اقول لبابا وماما وكمان الظروف صعبه ف كلنا بنام ف اوضه واحده و اخويا التاني كان صغير وقتها وبيبقى نايم مش حاسس بحاجه مره تانيه كرر نفس الحركه جريت ع ماما وصحيتها قلتلها مش عايزه انام هناك معاه تاني خليه يبعد عني قلتلها كمان بيحاول يلمسني ف أماكن معينه راحت قالتلي ده اخوكي وعمره ما هياذيكي انتي بتقولي ايه وراحت نادت عليه سألته بتعمل ايه على سرير أختك قالها ابدا كنت بدور على علبه المناديل قالتلي شفتي اكيد بالغلط..... المهم حصل اللي حصل ومن وقتها مع ان لبسي مكانش ديق ابدا ولا ملفت بقيت بلبس أوسع من مئاسي بكتير يمكن لدرجه انه يلبس مامتي وبقيت مش بعرف انام لفتره طويله واي لمسه تصحيني مصرخه وبقيت بتجنب ابقى معاه لوحدنا ولما بابا وماما يقولو هينزلو ويسبونا ويبقى اخونا الصغير نايم بتحايل عليها تقعد بحجه اني خايفه تسيبني وتمشي وانا مبحبش اقعد وهيا مش فالبيت وترفض ف بضطر اصحى اخونا الصغير وبفضل قاعده جمبه عشان ميجيش جمبي وطبعا مش يقدر يعمل حاجه وهو موجود لأنه صغير واكيد هيحكي لبابا أو ماما..... حصل اللي حصل وربنا أمر بهدايته من فتره بسيطه بس انا خايفه منه جدا جدا برضه ومش قادره اتعود عليه ولا اتقبل انه يقعد معايا لوحدنا ولا يقرب مني ولا يلمسني وبخاف منه اوي اوي ومع اني شايفه انه بقى بيصلي ويقول أذكار وغيره بس احيانا بيبص ليا بصات غريبه تخوف وانا فعلا والله حاولت اسامحه واتقبله معرفتش انا كدا غلطانه ؟ اسفه للاطاله اعتبروني اختكم وفضفضت ليكم بس ارجوكم محدش يشتم بابا وماما وشكرا اوي

Dawle
ربنا يهديه ويحميكي وقربي منه اكيد عرف غلطه وربنا يوفقكم
almutsaim
بجد هو فيه كده .. صلي وادعي ربنا ان ربنا يهديه .
Marwa
يا رب

عايزة اسماء كتب او روايات نزلت جديد

almutsaim
كتاب اصحي ليغفلوك كتاب جااامد اووي بيحكي عن الاختراق والحماية منه
Marwa
المقاعد الخلفيه قبل ان انسي اني كنت هنا نسيت كلمة السر
hana
مش ده بتاع احمد ايمن صح ؟

انا مشكلتي اني كتير حبيت بنات بس للاسف مكنش عندي الجرائه اني ابدء كلام او اعترف يمكن فعلا انا عندي٢٠سنه بس معنديش اي تجارب خالص يمكن كلمت بنات ف سياق الشغل وهو الرحلات بس م اكثر اتمني حد يقولي حل

Dodo
لا اكثر انطوائيتك و اتعرف عادي جدا كأصحاب علشان انت لازم تتعامل مع بنات قبل خطوبتك علشان فيه حاجات لازم تتعلمها منهم و بعدين انك تعرف بنات مش عيب
Mahmoud Zakaria
أصبر بقا لحد ما تخطب علشان ربنا يكرمك
Hossam mahmoud
انت راجل مش المفروض ان انت تتكسف الوقت بيجري بسرعه لازم تتحرك و تروح تقول للي بتحبها ان انت بتحبها

انا عندي ٣٦ سنة آنسة مش جميلة خالص عمري ما حبيت و لا اتحبيت و عمري ما اتقدملي و لا عريس واحد حتى مع اني خريجة جامعة و من كلية محترمة و كل الناس بيشهدوا باخلاقي و بشتغل و يعتمد على نفسي نفسي احب و ارتبط و اتجوز حاسة بوحدة فظيعة و حاولت اتعرف على حد اونلاين و مبتدئ و نتكلم مع بعض و نتعرف و اول ما يقول عاوز يشوف صورتي و يشوفها يختفي انا تعبت و زهقت و مش عارفة اعمل ايه بدعي ربنا كتير

Dawle
اكيد ربنا شايلك الاحسن عمره الحب او الارتباط كان بالشكل بالقلب بس العقول اللي فاهم ربنا يحميكي ويوفقك و يبعتلك ابن الحلال اللي تفرحي بيه
Dodo
اولا محدش عارف نصيبه فين.. ثانيا الشكل و المظاهر مش كل حاجة و انتي اكيد هيجيلك نصيبك قريب جدا.. سيبيها علي ربنا بس الحاجة التانية المهمة بعد الصبر هي انك تهتمي بنفسك و بأنوثتك شوية و تفضي لنفسك شوية وقت
Olaa
حبي نفسك الناس هتحبك

أنا بنت عمري ٢٢ سنة مبأدرش أمشي رغم إنو في فرصة لكن ظروف فوق كل شيء ، و دي عرفة إنها حاجت ربنا بالناس مبترحمش حتى في جواز ألولي مين ياخذ زين في ولد حب يتأدملي أمو رفضت ألتلو حلو أوي و متعلمة و كلها على بعضها بس معاقة لييه كده دي حاجة مش بإدي أعمل إييه أنا و ولد سبنا بعض رغم أنو مرتبطناش زي كل تنين بس أنا كل ما يحبني حد أمو تعمل كدا و بلا أمو إحنا في زمن مظاهر

Dawle
ربنا يصبرك و يبعتلك احسن عريس وتفرحي وتكوين اسعد عروسه ويارب يسعدك اكيد ربنا شايلك الاحسن في غير اللي راح محترمين ويصونك ربنا يحميكي
millo
إن شاء الله إدعولي ربي يصبرني و ينجحني ❤
Hossam mahmoud
دي عالم مريضه يا بنتي و ربنا كرمك و يبعتلك ابن الحلال اللي يقدرك و يحبك

الحب علمني اني مش هلاقي اللي بحبه إلا بصعوبه علمني مثقش في كلام حد علمني ان مفيش حب بيكمل إلا نادر علمني اني أكمل حياتي لوحدي نفسيتي بتميل بس هحاول افضل لوحدي لم يتكلم حد بيدينا وعود وبيخلف اكي ربنا شايل لينا خير انا واثق اني هلاقي اللي يحبني وأحبه احافظ عليه زي ما هيحافظ عليا يكون ليا سند لم اكون لوحدي بس انا نفسي اخلص الثانويه دي ع خير اهم حاجه واحقق اللي اتمناها يااارب خير

Dawle
خير خير بأذن الله
Dawle
ياارب
Hossam mahmoud
ربنا يكرمك و تحقق اللي نفسك فيه

يا جماعه هو انا لو روحت ساعه واحد الجيم في 3ايام في الاسبوع هتاثر؟؟

Dawle
شكرا يا رجاله
Hossam mahmoud
لا طبعا حتي لو ساعه كل يوم اصل انت مش هتقعد تذاكر طول اليوم فبدل ما تضيع وقتك في حاجه تافهه انزل الجيم
Mahmoud Zakaria
ولا اي تاثير عيش حياتك و اللعب رياضه هتقوي تركيزك

انا في البيت عايزيني اقفل فيسي وممسكش التاب و ادوني فون بزراير عشان الثانويه عامه و هبدا دروس 15/7الي هو الاحد الجي مش عارف اقفل فيسي بس بياخد وقت مني الصراحه بس صحابي اللي كانو في 3ث قالولي متخشش ع المنهج بجديه عشان تزهق في نصف الطريق ياريت نصايح 3ث ويومكم كان ازاي الي خلص ثانويه

Dawle
تمام
Hossam mahmoud
لا متقفلش حاجه بس قسم وقتك و متفضلش قاعد عليهم طول اليوم
Dawle
طاب اقفل الفيس والانستا ولا ايه؟

ليه لم بنهتم بحد بيبعد؟ انا من اللي شوفته انك لم تهتم بشخص وتكلمه علي طول وترد عليه علي طول بيبعد عنك وشوفت ناس تانيه لم متردش علي طول وتطنش بيقرب منك اكتر ويتشد ليك مع ان بعض اصحابي بيقولوي خليك تقيل مش خفيف اصبر متهتمش كده هيبعد عنك احنا لم بنهتم ده يبقا ده جزائي اني بهتم مش مفروض ابقا من اولويات الي بهتم بيه زي ما انا بهتم .....ليه لم بنهتم بيبعدو؟؟!

Dawle
تمام شكرا
Qween
انا فهماك بس في رد واحد بس ع سؤالك الاهتمام الكتير وحش خليك وسط لا عالي اوي ولا واطي اوي اه بتعزه وبتحبه وغالي عندك بس الاهتمام الزايد بيهد كل حاجه
Dawle
قصدي بتعزه اكتر من اي حد

يا جمااعه اللى عايز يقدم تظلمات لثانويه عامه ايه المطلوب بالظبط و فين المكان اللى بنقدم فيه

Khaled
مااشى تماام شكرا جداا
Marwa
مش فاكره والله دور عليها علي النت
Khaled
فين مدرسه اسماعيل القبانى دى !!!!

يا جماعه متدخلوش حد بينكم و بين اللي بتحبوهم عشات هتخسروا الناس اللي بتحبوهو

Marwa
اكييد
Dawle
اكيد هنقابل الشخص الصح في يوم من الايام
Marwa
لا طبعا